ஜனவரி 2019 இல், சென்னை தென் மண்டலத்தின் பிராந்திய துணை ஆணையர், திரு. ஆல்பி ஜான், 2,200 சதுர மீட்டர் மாநகராட்சி நிலத்தை மியாவாகி வனமாக மாற்ற முடிவு செய்தபோது, ஒரு வருடத்திற்குள் அது ஒரு இயக்கமாக மாறும் என்பதை அவர் எதிர்பார்க்கவில்லை.
இன்று அந்த திட்டத்தின் வெற்றியால், நகரம் முழுவதும் திறந்தவெளி இருப்பு நிலங்களில் இதுபோன்ற திட்டமன்றி பிற நகர்ப்புற காடுகளாலும், தற்போதைய சென்னையின் மரங்களின் அடர்த்தியை 19% லிருந்து மத்திய சுற்றுச்சூழல், காடுகள் மற்றும் காலநிலை மாற்ற அமைச்சகத்தின் கூற்றுப்படி 33% ஆக உயர்த்த, பெருநகர சென்னை மாநகராட்சி ஆனது 1,000 மியாவாகி காடுகளை அமைக்க முடிவு செய்துள்ளது. இதுவரை, இதுபோன்ற 30 காடுகள் 60,000 மரக்கன்றுகளை குடிமை அமைப்பால் பராமரிக்கப்படுகின்றன. மேலும் 20 காடுகள் உருவாக்கப்படுகின்றன.
கொட்டூர்புரம் நிலையத்தின் பின்னால் இருந்த பொது இடத்தில், “குப்பை கொட்டப்பட்டு எரிக்கப்பட்டது என தொடர்ச்சியாக எங்களுக்கு புகார்கள் வந்தன. அதை சுத்தம் செய்தும் மற்றும் இரண்டு முறை வேலி அமைத்தும் உதவாது போனது. மரங்களை நடுவது ஒரு மாற்றாக இருக்கும் என பரிந்துரை வந்தது, அப்பொழுது நான் ஏற்கனவே தூத்துக்குடியில் செய்த மியாவாகி முறையைப் பின்பற்ற முடிவு செய்தோம் என ஜான் கூறினார்.
சென்னை மாநகராட்சி ஆணையர் திரு. ஜி பிரகாஷ் அனைத்து மண்டல அதிகாரிகளிடமும் 1,000 காடுகளை அமைப்பதற்கான நிலங்களை அடையாளம் காணத் தொடங்குமாறு கேட்டுக் கொண்டார். “இந்த காடுகள் அந்த பகுதியில் காற்றின் தரத்தை மேம்படுத்தி பறவைகள், பூச்சிகள், ஊர்வனவற்றைக் கொண்டு வரும். மேலும், சட்டவிரோத நடவடிக்கைகள் நிறுத்தப்படும், ”என்றார்.
"சிறிய காடு இப்பகுதியின் மைக்ரோ காலநிலையிலும் சாதகமான தாக்கத்தை ஏற்படுத்துகிறது".
வைகை அணைக்கு அருகிலுள்ள வனத்துறை துணை பாதுகாவலரும், தமிழ்நாடு வன பயிற்சி கல்லூரியின் முதல்வருமான ஆர்.ராஜ்மோகன் கூறினார்: “மியாவாகி முறை மரங்களை விரைவாக அதிகரிப்பது மட்டுமல்லாமல், நகர்ப்புறங்களில் அடர்த்தியான பசுமைகூரையை வழங்குகிறது, இது சூரிய கதிர்வீச்சின் தாக்கத்தை குறைக்க உதவுகிறது மற்றும் காற்றின் வேகத்தை குறைக்க உதவுகிறது. இந்த மரங்களின் வேர்கள் மண்ணை பிணைக்கிறது மற்றும் மழைநீரை பிடிப்பிற்கு உதவுகிறது. இந்த மரங்களிலிருந்து வெளிப்படும் காற்றானது சுற்றுச்சூழலை குளிர்விக்கும்போது மைக்ரோ காலநிலையையும் உருவாக்குகிறது. மியாவாகி காடு அமைக்கும்பொழுது மரங்களின் இனங்களைத் தேர்ந்தெடுப்பது மிக முக்கியம். ”
ஒரு சாதாரண மரக்கன்று வளர ஏழு முதல் 20 ஆண்டுகள் வரை ஆகும், ஆனால் மியாவாகி முறையில், நெருக்கமாக நடப்பட்ட பூர்வீக இனங்கள் சூரிய ஒளி, ஊட்டச்சத்து மற்றும் நீருக்காக ஒருவருக்கொருவர் போட்டியிடுவதால், அதிக வீரியமாக இருக்கின்றன. மரங்களின் வளர்ச்சியும் அதிகரிக்கின்றன. மரக்கன்றுகள் நான்கு முதல் 10 ஆண்டுகளுக்குள் ஒரு மரமாக மாறி, மரத்தின் அடர்த்தியை விரைவாக அதிகரிக்கும்.
நன்றி: டைம்ஸ் ஆப் இந்தியா பத்திரிக்கை செய்தி தமிழாக்கம்
-
கருத்துகள் இல்லை:
கருத்துரையிடுக