அறிவியல் பூங்காக்கள் (STEM PARK'S)

 அறிவியல் பூங்காக்கள்  மத்திய அரசினால் 2014ல் துவக்கப்பட்ட தேசிய சீர்மிகு நகரங்கள் திட்டத்தின் (SMART CITY PROJECT) கீழ் இந்தியா முழுவதும் நடைபெறும் பல்வேறு நகரங்களில் ஏற்படுத்தப்படுகின்றது. இது மாணவர்கள், இளைஞர்களிடையே அறிவியல், தொழில்நுட்பம், பொறியியல், கணிதம் ஆகிய துறைகளில் ஆரவத்தை ஏற்படுத்தும் நோக்கத்தில் ஏற்படுத்தப்படுகின்றது. ^[1] 

தமிழ்நாட்டைப் பொறுத்தவரையில் திருநெல்வேலி, திருச்சி, தூத்துக்குடி, ஈரோடு, சேலம் நகரில் இவ்வகையான அறிவியல் பூங்காக்கள் அமைக்கப்படுகின்றன.^[1][2]

இந்தியாவின் திருநெல்வேலி மாவட்டத்தில்  தேசிய சீர்மிகு நகரங்கள் திட்டத்தின் கீழ் புதுப்பிக்கப்படும் வேய்ந்தான்குளம் பேருந்துநிலையத்தின் முன்பு மூன்று ஏக்கர் பரப்பளவில் 10கோடி மதிப்பீட்டினில் கட்டப்பட்டது

* இந்தியாவின் திருச்சி மாவட்டத்தில் திருச்சி மாநகராட்சியில் 14.9கோடி மதிப்பீட்டினில்,  சிறீரங்கம் பகுதியில் 2021 ஆகத்து மாதம், அறிவியல் பூங்கா கட்டிட வேலைகள் துவங்கப்பட்டது. 

* இந்தியாவின் தூத்துக்குடி மாவட்டத்தில் தூத்துக்குடி மாநகராட்சியில் 28.31கோடி மதிப்பீட்டினில் 9ஏக்கர் பரப்பளவில் அம்பேத்கர் நகரில், அறிவியல் பூங்கா கட்டிட வேலைகள் துவங்கப்பட்டது. 

* ஈரோடு மாநகராட்சியில் 10.42 கோடியில் 46வது வார்டு பகுதியில் அமைக்கப்படுகின்றது.

* சேலம் மாநகராட்சியில் பழைய ஜவகர் மில் பின்புறம் அமைக்கப்பட்டுள்ளது.

திருநெல்வேலி பூங்கா அம்சங்கள்

• பூங்காவின் நுழைவாயிலில் அப்துல்கலாம் முழு உருவச்சிலை உள்ளது.
• இயந்திரவியல் மையம்
  
• புத்தாக்க மையம்
• திறந்தவெளி பூங்கா - சர்.சி.வி.ராமன் உருவச்சிலை, டைனோசர் உருவங்கள், இஸ்ரோவின் 2 ராக்கெட் மாதிரிகள், இயற்பியல் விதிகள் தொடர்பான மாதிரிகள், பூங்காவின் ஒருபுறத்திலிருந்து மறுபுறம் வரை பேருந்து நிலையத்தின் பிரதான நுழைவாயிலை கடந்து செல்லும் வண்ணம் பிவிசி, துணி போன்றவற்றினால் ஆன நடைபாதை மும்பைக்கு அடுத்து இங்கு அமைக்கப்பட்டுள்ளது.

• உள்ளரங்கத்தில் செவ்வாய் கிரகத்துக்கு நாசா அனுப்பியுள்ள 2 ரோவர்களின் மாதிரிகள், டிரோன்களின் செயற்பாடுகள் மாதிரிகள் அமைக்கப்பட்டுள்ளன.

நிர்வாகம்

• இந்த அறிவியல் பூங்காவின் நிர்வாகம் உள்ளூர் நிர்வாகமான மாநகராட்சி வசம் ஒப்படைக்கப்பட்டுள்ளது.
• நுழைவுக்கட்டணம் உண்டு.

மேற்கோள்கள்

1. ↑ https://www.hindutamil.in/news/tamilnadu/720868-science-park-in-nellai.html
2. ↑ https://timesofindia.indiatimes.com/city/trichy/trichys-first-stem-park-to-open-soon/articleshow/96017550.cms
3. ↑ https://www.thehindu.com/news/cities/Madurai/stem-park-to-come-up-in-thoothukudi/article36419674.ece
4. ↑ https://www.thehindu.com/news/cities/Coimbatore/erode-stem-park-to-be-ready-by-april-end/article65273195.ece