கடந்த வருடத்தில் 2014ல் உங்கள் முதலீடு எவ்வளவு லாபம் தந்தது

கடந்த வருட கட்டுரையை முதலில் பார்த்துவிடுங்கள்..

கடந்த வருடத்தில் 2013 உங்க மூதலீடு எவ்வளவு லாபம் தந்தது. 

http://kurinjinet.blogspot.in/2014/01/2013.html

நீங்கள் மும்பை சென்செக்ஸை அடிப்படையாக கொண்ட பங்குசந்தையில் முதலீடு செய்திருந்தால் 29%மும், டெல்லி நிப்டியை அடிப்படையாக கொண்ட பங்குசந்தையில் முதலீடு செய்திருந்தால் 35%மும் வருமானத்தை அள்ளி இருப்பீர்கள். வேறு எந்த முதலீடும் இதே காலகட்டத்தில் இந்த அளவு வருமானத்தை தரவில்லை என்பது குறிப்பிடதக்கது. உலக அளவில் வருமானம் தந்த பங்குசந்தை வரிசையில் நாம் இரண்டாவதாக இருந்தோம்; கடந்த வருடம். இங்கேயும் சீனா முந்தி உள்ளது(49%).

பாரக்ஸ்(FOREX) டிரெடிங்க் எனப்படும் நாணயமாற்று சந்தையிலும் இந்திய பணத்தின் மதிப்பு பெரிதும் மாற்றமில்லாமல் நிலைத்தது. கடந்த 2013 இறுதியில் ஒரு டாலருக்கு எதிராக 61ரூ இருந்த இந்திய நாணயமதிப்பு 2014முடிவில் 63ரூ ஆக இருந்தது. பிரிக்ஸ் நாடுகளில் ரஷ்யா ஆக அதிகமாக 39%மும், பிரேசில் 11%மும் தென் ஆப்ரிக்கா 9%மும், வீழ்ச்சியை சந்தித்திருந்தது. நாம் 3% வீழ்ச்சியை சந்தித்தோம். இங்கேயும் சீனா நம்மை விட சிறப்பாகவே உள்ளனர். 

வங்கி டிபாசிட்களில் 8.75% வட்டியையே சராசரியாக தருகிறார்கள். வட்டி சராசரி ஸ்டேட்பாங்க் ஆப் இந்தியாவிலிருந்து எடுக்கப்பட்ட மாதிரி.

இதே காலக்கட்டத்தில் நீங்கள் தங்கத்தில் முதலீடு செய்திருந்தால் 8%மும் வெள்ளியில் 15%மும் நட்டத்தினையே சந்தித்திருப்பீர்கள். 

ரியல் எஸ்டேட்டில் பெரிய பாய்ச்சல் இல்லை என்பதால் முன்னேற்றமும் இல்லை, பின்வாங்குதலும் இல்லை.